【开箱评测】iPhone 14 Pro Max 手机：炒到贵一贵都唔拎去卖，为大家论尽优点缺点,23/09/2022,
TechRitual 编辑组,1714,
,
炒贵 HK$3,000 嘅 iPhone 14 Pro Max 都唔拎去卖，开盒同大家做一个真心评测，论尽佢嘅优点缺点。
iPhone 14 Pro Max 硬件规格：
萤幕尺寸：6.7 寸 2796 x 1290 解像度萤幕
机身体积：160.7 X 77.6 X 7.85
重量：240g
CPU：A16 Bionic
RAM：6GB
ROM：128GB/256GB/512GB/1TB
系统：iOS 16
主相机： 4800 万像素广角、1200 万像素超广角、1200 万像素 3 倍远摄
前置相机：1200 万像素
电池容量： 4,323 mAh
其他：120Hz 刷新率萤幕、NFC、IP68 抗水防尘、15W MagSafe 充电、侦测严重车祸自动帮你致电紧急救援服务
定价：HK$ 9399 起
部机真系几重，镜头又好凸
其实由 iPhone 12 代开始，iPhone 都系用近似嘅设计，只系今次 iPhone 14 Pro Max 6.7 寸萤幕开左一个动态岛，同埋暗紫新色，就俾到用家唔少新鲜感。不过机身重量提高到 240g，拎上手都真系几重，重量其实同之前试嘅摺萤幕手机 Galaxy Z Fold4 差唔多，不过人地一打开就有个 7.8 寸萤幕俾你用。
iPhone 14 Pro Max 6.7 寸萤幕开左一个动态岛
暗紫新色，就俾到用家唔少新鲜感
支援双咭
Lightning 插头
音量与静音掣
不锈钢边框
机背镜头用左更大粒感光元件，所以镜头模组更加大，亦都凸出机背更多，做成一个更高嘅山丘，裸机用感觉会更加凸出，所以最好加套用。
镜头模组更加大
镜头凸出机背更多
动态岛分担通知页面一部份工作
iPhone 14 Pro Max 动态岛萤幕可以唔同形状地放大，其实可以分担到一部份通知页面嘅工作，例如播歌果时一按动态岛，就可以跳入 Apple Music App 操作，比起以前要向下扫屏幕左边，去通知页面操作方便，因为有时真系会扫错，变左去操作捷径画面。
动态岛萤幕可以唔同形状地放大
播歌果时一按动态岛，就可以跳入 Apple Music App 操作
常亮显示有新玩法
iPhone 14 Pro Max 仲加入萤幕常亮显示功能，襟 Lock Screen 掣，将部机反转向下或者放入口袋，萤幕都会调到极暗进入常亮模式。在常亮模式如播放音乐时，都依然会继续出现播放介面。
加入常亮显示
常亮模式如播放音乐时，都依然会继续出现播放介面
效能使用时间顶级
iPhone 14 Pro Max 规格是 4nm A16 Bionic CPU、6GB RAM 同埋 4,323 mAh 电量，Antutu 跑分是 980669 分，未有想像中效能比上代进步好多，都系得 10% 左右提升。使用时间测试就连接 WiFi 玩左半个锺《黑色沙漠》(预设画面质素)，结果用左 3% 电，估计可以玩 16 小时，游戏时间非常夸张。
连接 WiFi 玩《黑色沙漠》
iPhone 14 Pro Max 升级 4800 万像素三镜相机
iPhone 14 Pro Max 硬件上最大升级就系相机部份，4800 万像素主摄，配合 1200 万像素超广角镜同埋 3 倍远摄镜。由於感光元件面积增加，所以光圈反而比上代大左，变到得番 f/1.78，但系感光元件会加入第二代移动式光学影像防震功能，影相拍片都会更加稳定。
主摄加入 2 倍拍摄功能
4800 万像素主摄只会在影 Apple ProRaw 档案时，输出 4800 万像素相片，正常用自动模式影片，都只系会输出 1200 万像素相片，由於像素提高左唔少，所以主摄加入 2 倍拍摄功能，对比下 2 倍拍摄画质只系有好少好少下降，日常都可以拍摄色彩自然而有立体感的画面。
超广镜角镜支援微距
超广镜角镜杂讯对比主摄都系较多，低 ISO 都系睇到有唔少 Noise，但上代相片边缘较朦嘅问题就解决左。超广镜角镜亦支援微距拍摄，而且支援 3 倍数码变焦，效果反而比正常超广角镜头的透视感更加有惊喜。
3 倍远摄镜可作 15 倍数码变焦
如果只系用远摄镜作 3 倍拍摄，其实效果可能同上代差不多，不过用到佢最尽 15 倍数码变焦拍摄都唔会朦，就会知道佢演算法今次真系进步左唔少。
iPhone 14 Pro Max 优点：iPhone 14 Pro Max 缺点：